Metafora

PANDEMI

Në karantinën e vetizolimit
E mbyllën njerëzimin
Ia vranë ajrin, ujin e diellin
Tokën e ruajtën për mort

Në zanafillë është goditur gjeni i njeriut
Deri në shfarosje, mos o Zot!

Bota e ka humbur drejtpeshimin
Kësaj zallahie, kush s’ia di fatin!

Covid -19 është tmerri i padukshëm
Që flatron nga njëra frymë te tjetra
Pa ia parë fytyrën as shtatin

E rritën në laboratorë, thonë
Po s’u rrit se s’u rrit
Mbeti si një aziatik i vogël
Me sherr të madh

I duhej shtypur koka në zanafillë
Të mos bëhej sherr i botës

Medet, ç’mister?!

      14 Mars  2020