Metafora

Brahim Ibish AVDYLI.

RRUGËTIMET E KËNGËS

1.

E kapa

pranverën e vargjeve

të këndoj

 

e çuditërisht u lëshua

përtej dhembjes sime!

 

Kënga lëshonte lot

prej vargut tim

deri në mjekrën e viteve!

 

2.

 

Nuk dëshiroj

të më përloten të gjitha lulet

e lulëkuqet,

 

as Dielli t’i fshijë sytë

pas shtëllungave te reve,

 

nuk desha ta thyej

korpën e viteve

 

e fjalët të reshin

nëpër vetëtima faji!...

 

3.

 

Tani

nuk mund t`i zë

stinët e përtëritjeve,

 

aromat e buzëqeshjeve

e fëmijët e rritës...

 

Më përlotet kënga

me mallin e filizave të mia,

 

nuk e di çka i shtyri

larg prej meje,

 

e u thyhen vargjet

në një këngë

me ultra zë-

 

oshëtimë

në hapësirë!...

 

 

Hurden, 06.05.2020