Metafora

Gëzim AJGERAJ

PËRSE SHARRI MBAN PLIS

Poezi për fëmijë e të rinj

Shtëpia Botuese “7 Days”

Prizren, 2023

P A R A TH Ë N J E:

Të dashur fëmijë, të rinjë e ju lexues të nderuar, Sado që krijojmë e shkruajmë për të rritur, botës suaj asnjëherë nuk mund ti largohem pa i dhënë pak dritë nga dielli i fjalës sime të shkruar. Shpesh e ndjejmë dhe ndajmë botën me moshën tuaj, sepse ajo na ndjek edhe ne të rriturve, dhe sa do që të ikim në vite, na kthen e rikthen me atë nostalgjinë e vet, në ato kujtime e vegime, kur ne botën e kemi përjetuar, ndjerë e jetuar, ashtu siç e ndjeni ju sot. I kthehemi gëzimeve, lumturisë, ëndrrave ashtu siç i keni ju, shpresave për ditët e bukura, për jetën, prindërit, natyrën, për të ardhmen, atdheun, dashurinë dhe gjithë ato dëshira e preokupime që ju përcjellin në rritën tuaj. Dhe sa herë që kthehemi edhe ne, ndjejmë atë nostalgjinë e moshës, viteve, kthehemi edhe tek vargu për ju që të sjellim copëza nga ato ndjenja edhe për ju, duke i veshur ato imazhe e petkun e moshës suaj, dhe për ti bërë më të kapshme në poezi. Janë frymëzimet ato që i paraprijnë jetës, ecjes sonë përpara, rritës e zhvillimit tuaj dhe zhvillimet e një shoqërie të të ardhmes, shpresë e cila jeni ju që po rriteni e po vini si brez. Dhe jo pa rastësi ne si autor përmes komunikimit, kujdesit dhe lidhjes që mbajmë me botën tuaj, përcjellim gjithmonë atë më të bukurën, më të mirën për ju, për t'u bërë shembull e shembëlltyrë e juaja, se si duhet ndërtuar jeta si tërsi, rrita e juaj, si duhet dashur nëna, babai, gjyshi e gjyshja, atdheu, që brenda kësaj dashurie si ndërtohet jeta dhe e ardhmja e ndritur. Është gjyshi që bashkëpunon ngushtë me nipin, e mësojnë së bashku, për të kapur sa më fuqishëm dijen që na e jep shkolla, libri e mësimi. Është shëmbëlltyra e gjyshit që din të ndërtojë vepra të bukura për të ardhmen dhe bëhet shembull i brezave deri në flijim shpirtërorë, për tu falur dritën e së ardhmes. Është natyra dhe jeta përreth ajo që na rrethon ne, e në vargjet e këtij libri mësojmë se si të sillemi, si të veprojmë e si ta trajtojmë dhe gjithë hapsirën dhe ambientin që ne na rrethon. Pra, poezitë e këtij libri, sjellin të gjitha një mësim edukativ për ju brezat e së ardhmes, për t'u bërë të denjë për një shoqëri të mirë, të mirfilltë dhe të drejtë e të vyrtytshme, të paisur mirë me vyrtyte të shëndosha njerëzore, si pjesë e asajë që një ditë do të jeni edhe ju vetë. Ne nuk do të flasim më shumë në këtë hyrje, por urojmë që poezitë e këtij libri, t'u mbushin plotë frymëzim, energji dhe pozitivitet, për t'u paisur edhe ju me dije, me vyrtyte e me njohuri të shëndetshme, në mënyrë që nesër këto mësime dhe frymëzime, t'u shërbejnë në jetë. Urojmë një lexim të vemendëshëm e plotë frymëzime.

Autori, 28 tetor 2023, Zvicër

ME LAPSIN E GJYSHIT TIM

Me lapsin e gjyshit

dua të shkruaj poezi

të jap dritë e dije për të tjerët

ashtu siç japin librat e tij

Me lapsin e tij të artë

të shkruaj dhe vjersha për fëmijë

të hap shtigje të reja dije

të ardhmen t’ua shndrijë

Me lapsin e gjyshit tim

dhe romane dua të shkruaj

t’ua rrëfej të tjerëve

ngjarje që hapin shtigjet e dritës suaj

Me lapsin e gjyshit tim

dua të bëhem poet e shkrimtar

ta bëj më të bukur poezinë

të shkruaj më të bukurin romanin letrar

Se lapsi i gjyshit tim

nganjëherë shkruan edhe vetë

por gjyshja një ditë më tha

pranë mendjen e gjyshit duhet ta ketë

SHËMBËLLTYRA

Gjysh pa me thuaj ç’është shëmbëlltyra
E pyeti gjyshin Lona tek i qeshte fytyra

E kam dëgjuar babin sa herë flet me shokë
Gjyshi yt Lona është shëmbëlltyra në botë

Shëmbëlltyra me gjyshin është shembull për shoqëri
kur dikush bën punë të mira e shpërndanë mirësi

Njerëz të tillë janë shembull me punë e me vepër
mirësia e tyre kthehet shembull për të tjerët

Ata që japin më shumë nga vetja për shoqërinë
mirësia e tyre është shembull për të mirë

Me ty krenohem gjyshi, shembull në jetë të kam
për mua je shëmbëlltyrë, sa krenare që jam

Ç’ ËSHTË BASHKIMI?

(Dialog me mbesën time - Elonën)

Gjysh më thuaj: Ç’është bashkimi?

këtë fjalë shpesh ta dëgjoj

për Kosovën e Shqipërinë

me miqtë tuaj kur bisedon

Eh, lum gjyshi ime mbesë

është një plagë për kombin tonë

ta shpjegon gjyshi pa përtesë

mbesa ime ty - Elonë

Në kor fëmijët kur këndojnë

me një zë të bashkuar

zëri i tyre sa larg u shkon

ndryshe kur je i vetmuar

Në familjen tonë të madhe

kur të gjithë jemi të bashkuar

nuk mund kush të na përçajë

jemi të fortë, të panënshtruar

Apo kopshtin kur punojmë

të gjithë bashkë pa përtuar

edhe punën shpejt mbarojmë

ndryshe kur je e vetmuar

Kur dikush të na sulmojë

si do të ndihesh e vetmuar

të prekë kush nuk do të guxojë

kur je shumë dhe e bashkuar

Na e pati thënë edhe Skënderbeu

se bashkimi e bën fuqinë

një tubë thuprash mori shembull

si nuk thyhen, kur bashkë rrinë

dhe Kosova e Shqipëria

janë të ndara padrejtësisht

i ndau Evropa e tradhtia

kombin tonë mes kufijsh

Kombi ynë duhet të bashkohet

Një Kosovë e një Shqipëri

Dhe si komb do të forcohemi

Një atdhe të jemi një

E pra, ky mbesa ime

Është bashkimi që na thërret

Gjithë shqiptarët e bashkuar

Në një atdhe e në një shtet

Të faleminderit gjyshi im

Edhe unë do të punoj

Për atdhe e bashkim

Rrugës tënde do të shkoj

GJYSHI E NIPI MËSOJNË MATEMATIKË

Gjyshi ka shpalosur një dëshirë

matematikën kërkon ta mësojë

e kam harruar thotë nga kjo pleqëri

nipi i vet t’i ndihmojë

Ulën pranë njëri - tjetrit e mësojnë

tabelën e shumëzimit thotë e kam harruar

së bashku me nipin mbledhin e shumëzojnë

njëri - tjetrin duke e ndihmuar

I gëzohet gjyshi njohurive të nipit

tek hiqet se numrat po i harron

e nipi plot zell e dashuri

gjyshin në detyra e ndihmon

Mësojnë gjysh e nip në matematikë

tabelën e shumëzimit e kanë mësuar përmendësh

edhe nota i japin njëri – tjetrit, pesa për pikë

në fletore se ditari në shkollë ka mbetur

2023.

NUK I KA FAJET QERSHORI

Qershorin nga pak e qortuan

kur i thanë se qershitë u vonuan

ndoshta tha fajet pak i ka edhe prilli

se me racion ua dha diellin

Jo tha prilli kisha një hall tjetër

se marsi vonë ma e dha stafetën

borën në male s’e mori se s’e mori me vete

ma la tufa - tufa maje bjeshke

Shkurti e marsi nuk qanë kokën fare

rrëshqitën me sajë e me ski me fëmijët

bile nganjëherë na përshëndetën me flluska në dritare

kur zemëroheshin retë e shkarkonin borën mbi çati

Ndalni tha korriku se u tregoi unë qejfin

hakun e qershorit vëllait do t’ia nxjerri

bile edhe nga lëkura do t’ju rrjep

derisa të thoni, uh ç’na gjeti

Dhe gushtit sivjet pak zemërim do t’i jap

diell sa të do e edhe ngrohtësi

detin për gushe të tërin do ta kapë

pa ejani tek plazhi ta shihni, ju o fëmijë

Shtatori e ka mbushur çantën plot me libra

është bërë gati për në shkollë të shkojë

bile ka vendosur të mbledhë vogëlushët e lagjes sime

e me ta Abetaren ta mësojë

Tetorin tha vjeshta lërmani mua

bëni gati tryezat se fruta do t’ju sjellë

o sa shumë kam për t’u ëmbëltuar

mollë, dardha, rrush e të tjera pemë

Në nëntor do t’i lutemi edhe pak vjeshtës

pak ngrohtësi të na ruajë në rezervat e saj

se na duhet pak mot i mirë edhe për ditët e festës

kur të shkojmë në Vlorë ditë me diell të na mbajë

Në dhjetor nuk ia kemi edhe aq frikën dimrit

të ftohtit e acarin që tek pragu do të na sjelli

bile me plot dashuri i presim dhuratat e babadimrit

dhe pranë oxhakut bashkë me gjyshin vitin e vjetër do ta përcjellim

SHIU E SUNDI I VOGÉL

Bie shi në qetësi
Si litar varet teposhtë
Përmbi kopsht e mbi shtëpi
Retë derdhin je me shoshé

Sundi i vogël me nxitim
Doli jashtë tek oborri
Përmbi çurg merr kërcim
E spërkatjeve u gëzohet

E kur hyri në shtëpi
Mami i vet e qortoi
Ishte lagur fare i tëri
Edhe rrobat ia nderoi

PËRSE SHARRI MBAN PLIS

Pyetën Sharrin në qershor

pse mban mbi kokë atë plis me borë

në mos stinën e ke harruar

është verë shumë je vonuar

E mbaj borën plis mbi kokë

nganjëherë stinët ngatërroi

s’mund ta pijë njëherësh tok

gurrat Vërrinit t’i mbushullojë

T’i mbushullojë edhe në verë

kur bën vapë e përcëllon dielli

ndaj se shteri asnjëherë

kur zemërohen gushti e korriku

E ruaj borën plis mbi kokë

që ndër gurra mos të ketë thatësi

vij çdo ditë me ujë të ftohtë

atje në Vërri, në çdo shtëpi

KREKOSJA E DORDOLECIT - 2

Po krekosej një dordolec

në dorë fshesë e në hundë spec

përmbi kokë një kapelë

dhe një shall mbi qafë hedhë

Nate me hënë tek oborri

unë s’kam frikë tha nga të ftohti

as nga terri si ju fëmijë

as nga ujku që mund të vijë

Me këto rroba e këto armë

çdo armiku i bëj ballë

sa për borë e stuhi

kurrë nuk trembem as nuk di

Këtë krekosje e dëgjoi dielli

më prit nesër në mëngjes

plot zemërim i ra mbi kokë

s’i la gjurmë pos një shall tokës e një kapelë

në vend kurorës: i la një fshesë e një spec

KOT AUTORIT I ZEMËROHEMI

E zuri njërin një fabul

tek po hante qengj e pulë

me autorin u fjalos

veç pse i vuri emrin lapangjoz

S’ kish ç’t’i thoshte ndryshe fabula

kur ky tjetri po hante qengja e pula

as autori s’kishte ç’t’i thoshte

lapangjoz e burrë me huqe

Por fabula s’ kish vënë emër

as dhe gishtin s’ kish drejtuar

ai kish gjuajt dardhës përpjetë

ky në dardhë kishte qëlluar

Nganjëherë ngacmon fabula

ndoshta të kemi ngrënë qengja e pula

por autori s’na ka faj

pse na shpon murrizi i saj

KUR U TËRBUAN DITËT E VJESHTËS?

Një mot vjeshte ditët u grindën

njëra - tjetrës, në vend të diellit

ia dha shiun

Nga e hëna në të diel

shi rrodhi ditë për ditë,

e s’u pa as rreze dielli

Me shi e hëna e filloi

e të martës, si dhuratë i dhuroi

edhe diellin ia ndaloi

Me zemërim retë u turrën

e kapën terr, dhe të mërkurën

sa për diell as nuk u tkurrën

Dhe e enjtja ashtu e mori

shi, shi, shi iu mbush oborri

me vërshime e përcolli

nga e premtja në të shtunë

s’mbeti re pa u shkund

e as dielli s’u pa kund

Nga e diela lumi vërshoi

doli shtratit e shkretoi

tha unë vjeshtë do ta emërojë

me vërshime përfundoi

DËSHMIA E HËNËS

Hëna e plotë lart në qiell

i ka vënë syrin natës

ka ndezë llamba e kandil

ruajti ujkun të mos vijë lagjes

Orë të tëra e ruajti natën

dhe e zuri nën kotare

i lajmëroi edhe gjahtarët

unë tha jam dëshmitare

Dhe e vunë ujkun në kurth

pranë një gardhi plot me qengja

i bënë gjyq dhe e dënuan

dëshmitare ishte hëna

Protestoi edhe ujku vetë

nuk ke sy ti, s’ke as vesh

i shkoi kot edhe protesta

u besua e vërteta

Dëshmive të hënës

nata u besoi

nga ajo kohë s’fshehu gjë

se hëna gjithmonë ia zbuloi

GJIMNASTIKA E DIELLIT

Dielli i mëngjesit

sa ka çelur sytë

herë e zgjat kokën

here pas resë ikë

Dhe Goni i vogël

sytë sapo i ka çelë

koha për në shkollë

se mos vonë ngelë

Kur e pyeti mamin

pse dielli vjen e ikë

bashkë me renë në qiell

bëjnë gjimnastikë

Uh, paskam harruar

dhe unë të filloj

ushtrimet e mëngjesit

duhet t’i mbaroj

KUSH E MBRON HARDHINË

Pyeti dega e një hardhie

përse ariut i jepni rrush

kur kap degët gjithçka shqyen

të më mbrojë nuk vjen askush

As pronarin s’e zë dot

t’ia them nja dy fjalë

t’i kërkoj të paktën kot

që ariun të ma ndalë

Kot ariun s’e frikëson

as me ankesa, as me batare

se atë ligji e mbron

s’guxon kush t’i thotë gjë fare

Dhe hardhia u zemërua

kokërr rrushi më nuk dha

trupit të saj të dëmtuar

degë më degë gjithçka u tha

SMIRA

E gjetën diku në shportën e mbetjeve

tek po e mbante botën nën sy

dhe po shikonte punët e të tjerëve

e po gërricej me veten pa një pa dy

Po e shihte botën me syrin e inatit

e po vlonte me zjarrin në gji

lutej për të tjerët ditë e natë

me flakën e shpirtit t’i përpijë

Harronte zjarrin gjithmonë ndezur në gji

ku do ta digjte botën plot zemërim

se digjte veten dhe shpirtin e tij

kjo kurrë s’i shkonte as në mendim

Nga syri i keq s’e merrte veten me të mirë

se mbeti shtrembër duke parë botën me inat

e me inat e helmoi shpirtin e dëlirë

dhe në helm u mbyt me shpirtin e thatë

Dhe mbeti atje ku e gjetën në shportën e mbetjeve

bashkë me ata që e përqafuan e mishëruan

se s’gjetën vendin diku tjetër

me smirë mjerë ata që u mishëruan

GJYSHI IM KA NJË ATDHE

Gjyshi im s’ka parti

ka atdhe Kosovë e Shqipëri

për çdo ditë për to këndon

në kupë të qiellit kënga i shkon

Në gjoks të tij dy zemra ka

që s’i ndalen asnjëherë

dashuri i rrjedhin pa ndalë

Ai ka vetëm një Atdhe

Për çdo ditë i shkruan vargje

cep më cep me to këndon

vjershat e tij dritë së ardhmes

dhe frymëzime na dhuron

Gjyshi im s’ka parti

një Kosovë bashkë me Shqipëri

për të një ato janë

nga mollë e kuqe deri në Çamëri

LUMIN E PI DETI

Një rrjedhë lumi aty tek bregu

ka një rrjedhë që s’di të ndalë

aty gojën e ka deti

e pi lumin pa asnjë fjalë

Herë - herë lumi dhe zemërohet

ujë të turbullt gurë e zall

por kurrë deti nuk trishtohet

e pi qetë pa asnjë fjalë

Se tek bregu ka një filtër

ujin e turbullt në skaj e ndalë

atje poshtë në thellësi

hedh njëherësh gurë e zall

Sado lumi i zemëruar

hyn në det dalëngadalë

e kur deti është zemëruar

e pi fytit me gjithë valë

PYETJA E MBESËS

Mbesa ime më pyeti e tha:

A janë hëna e dielli, motër e vëlla

si ka hëna pak ndriçim

e pse dielli aq shkëlqim?

Hëna natën na ndriçon

terri botën mos të verbon

kur të gjithë në gjumë ne flemë

tek dritarja dritën ajo vjen

Ngrohtësinë e plotë shkëlqim

ia la diellit me të gjitha

edhe ditën plot ndriçim

e vetë iku diku nga hija

Dielli i ngrohtë e zgjodhi ditën

natën hëna tha unë e mbaj

kështu njëherë u morën vesh

bashkërisht motër e vëlla

Gjithmonë hëna u kujdes

ta zgjojë vëllain në mëngjes

me ngrohtësi ta mbushullojë botën

e në gjumë ta çojë të motrën

PO DIGJET DIELLI, PO DIGJET

Po digjet dielli, po digjet shkrumb

dhe toka në fulteren e saj përvëlon

një saç mbi kokë djeg e shkrumb

e vera diku nën një hije për pak freski na fton

Po digjet dielli e u ndez flakë

saçin mbi kokë na e ka vënë

vetëm deti s’e ka frikën aspak

e unë si një guaskë kërkoj hije nën rërë

Po digjet dielli me shkrumb

dhe mbi vajin e palmës mbi lëkurë

dogji ç’gjeti dhe e bëri shkrumb

as melhem i mjekut e as uji akull s’bënë punë

Po digjet dielli, po digjet

dhe vera mbi shpinën e gushtit përvëlon

si peshku në fultere në vaj kur shkrihet

edhe dielli mbi lëkurën tonë

IKËN DHE DALLËNDYSHET E FUNDIT

Pendlat lëvjerrën në kujtimin e një dege

dhe jehonën e cicërimës diku mbi tela

pushimoren nën strehë e lanë vetëm

dhe strofullin e thatë mbi ballkonet e shkreta

Dhe imazhin e fluturimeve e morën me vete

kujtimin për verën e ngrohtë dhe hijet

u zbeh dhe bukuria e kësaj vere

nën shkopet e strofullit të një nënçatie

Morën edhe këngët që s’i shkruan mbi letër

dhe të vegjlit e vet që sapo u lindën

e ikën mbi hijet e krahëve të vet

bashkë me mërgimtarët dhe verën sivjet

EDHE KAFSHËT E PYLLIT

DUAN QETËSI

Sa herë dalim pyllit përpjetë

shohim kafshë e shpend plot

Shohim zogj krahëshkruar

këngë të ndryshme duke kënduar

Tak e tak një qukapik

ndërton folenë tek shpon një lis

Hop andej e hop këndej

një lojë ketri na dëfren

I shqetësuar ik një mi

futet nën rrënjë në shtëpi

Iku një lepur me shumë vrap

e kish frikën kush mos e kapë

Mori vrap një drenushë

e frikësuar të mos e lëndoi kush

Të gjitha frikë njeriut i kanë

ndaj në pyll qetësinë e kanë

Saherë neve pyllit shkojmë

gjithmonë kafshët i shqetësojmë

POROSI BIRIT TIM

Në do të të ecë biri im mbarë e plot me sukses

në jetën tënde përplot sfida, kthesa e brigje të rrëpira

sfido vetveten bëhu pse jo i mbarë edhe i parë, pse jo për besë

me punë, punë e edhe nderë arrihen të gjitha

Duaje njerëzinë e duaj veten më shumë në jetë

hapat bëji me syçeltësi e vetëbesim

për asnjë muri të huaj mos u mbështet

në murin tënd mbështetu e kërko shpëtim

Duaje atdheun dhe kombin tënd

me dashuri e besnikëri gjithandej nga je

mos e jep kurrë vendin tënd për asgjë

në gjirin e tij gjithçka je ti edhe atë e ke

Kurrë mos i thuaj vetes ndal e kurrë mos u dorëzo

ti mundesh dhe di t’i arrish të gjitha

për idetë që ke në kokën tënde, puno e vepro

thuaj jetës po, unë mundem dhe mund të bëj gjithçka

Ecë vertikal në idealin tënd me vetëbesim

mos ia jep kujt fatin tënd të të udhëheqë në jetë

thuaj vetes unë jam unë, unë jam uni im

udha jote që zgjedh është gjithçka që ti ke zgjedhur vetë

Në arenën e jetës ndeshesh me kolaboratorë, hileqarë e renegatë

e edhe shumë mashtrues, gënjeshtarë, hajdutë e të pabesë

botën shiko në sy e me vetëbesim ecë udhës tënde të gjatë

e me syçeltësi zgjidh udhën se ngado të ecësh vetë

Bota është shumë pizeveng, po ia hape portat gjithkujt

nuk kursejnë mjete, mundësi a vrima për të të hyrë brenda

pastaj të të heqin një nga një si kalasë kur i heqin gurë

dhe ty pastaj të të shkatërrojnë e gjithçka e të të shembin si një mur

Vëri qëllime vetes e ecë përpara drejt qëllimit tënd

me dijen tënde e njohuritë që i ke në kokën tënde, për veten

puno e vepro, por pa e penguar e dëmtuar askënd

vepro me forcat tua pa ju nënshtruar askujt, ndërto jetën!

KËNDOI ME MALL

Për ato troje e ato kulla

ku u linda e kam lënë vajin

për rritën time në ato lagje

ku hapat kam rrapëlluar për herë të parë

Për odat e mbushua me burra

ku fjala ka peshën e gurit

ku u burrërova përpara kohe

nën besë e flamur

Për burrat e besës së motit

me tirq e plisa të bardhë

për dasmat që gjëmonin dhe kodrat

dhe këngët që s’dinin të ndalë

Për këngën e fyellin ndër male

jehonën e blegërimave mbi kodrina

për ujërat e ftohtë ndër gurra

për hijet e flladet në Vërrina

Për këngën e plisbardhit në ara

dhe fishkëllimën e kosës në livadhe

për hingëllimën e kuajve në vrapime e gara

dhe për këngët e zogjve e hijeve ndër male

Për motet e njoma e plot ideal

e këngët për atdheun dëlirë që thurnim plot shpresa

netët pa gjumë e me shpirtin zjarr

kah zbukuronim muret që të ndriçohet e nesërmja

Për përqafimin e nënave

kur ktheheshim nga shkollat e sukseset

për gëzimet e tyre plot dashuri

kah ndërtonim udhët e së nesërmes

Për ditët djaloshare

dhe këngët e dashurisë plot shpresa

për fëshfërimat e netëve nën dritare

për gocat me fjongo kah thurnin ëndrrat e jetës

Dhe erdhi një ditë e papritur

gjithçka përmbysi e i fundosi shpresat

na morën udhë e ikëm

plot mall u bëmë ne e udhët e jetës

Nga ajo ditë e sot

kënga jonë u bë vaj e u bë mall

herë - herë u këndojmë vegimeve në lot

e herë u këndojmë kujtimeve me këngë e fjalë

PREMTIMET E PAREALIZUARA

TË STINËVE

Dimri mblodhi borën

E bëri topa bore

T’i ruajë për verë

Të na bëjë akullore

Pranvera me lule

një tufë e premtoi

por vera e thatë

tufën e shkretoi

Vera u premtoi luleve

se ujë do t’u jep

në ditët me vapë

ajo iku në det

Në kopshtin e frutave

gojëhapur mbeti vjeshta

s’e mori asnjë kokërr

këtë vit nga pema

2023

ARUSHË INJORANTI

Këtë herë një arushë

Tha si unë s’është askush

Jam më i fortë e i zot

kush mua s’ma kalon dot

Për të tjerët as që dëgjon

kënd në pyll s’e respekton

Strukeshin dhelpra, ujku e derri

me arushin mos t’i zërë sherri

Qeshnin morri, miza e bleta

hajt arushë heu tungjatjeta

Por një ditë në një pasqyrë

e ç’të shihte të njëjtën fytyrë

I dha grusht e grushtoi

duart e veta i copëtoi

Përballë tij ish mosrespekti

e kërkoi dhe e gjeti

Pra kur tjetrin e injoron

As vetveten s’e respekton

2023, Grabs-CH

KEQPËRDORIMI I FJALËS

Njëri e solli në kuvend

dhe e ndoti me grith ambient

Në një studio e mbërthyen

analistët desh e shqyen

Njeri e zhvati i dha bojë

tjetri grushte e grushtoi

Në fushatë njëri e mashtroi

asaj kush më s’i besoi

Njeri ngriti me të intriga

e mallkuan me shumë të liga

Njëri mbrapsht e vuri në varg

e përmbysi të bardhin art

Kush me fjalën keqpërdor

bëhet për gaz e veten e dëmton

MOS KËRKO KUDO ÇMIM

E kërkoi ku s’e kërkoi

S’e la kund e ku s’e çoi

E çoi deri tek farkëtari

Ku di i gjori ç’vlerë ka ari

Nuk la kund dhe në hekurishte

Të vlerësonin se ç’vlerë kishte

As aty pazar s’i gjeti

Ku merr vesh tha ky i shkreti

E kur shkoi tek argjendari

Të vlerësonte se ç’vlerë ka

Mori çmim, një çmim prej ari

E vlerësoi hakun ia dha

Kjo ndodhi na dha një mësim

Mos kërko kudo vlerësim

Shko ku vlerës ia gjen vendin

E aty sposto dhe vetin

2023

QENI TË ZOTIN NUK E NJEH!

Kur leh qeni në zot shtëpie

A të zotin kur sulmon

Puna keq, këtë dije

Dikush tjetër e drejton

Kur të grindet rreth tek këmbët

A vërdallë me grindje bën

Dikush tjetër ia kruan dhëmbët

Hapi sytë sa s’të ka ngrënë

Në këtë kohë plot zallahi

Qeni të zotin nuk e njeh

Veç një gjë duhet ta dimë

Dikush tjetër e ushqe

2023

NJË HALLKË NË ZINXHIR

ËSHTË JETA JONË

Pranverën e vonë

Sharri hoqi kapelë

gurrave në Vërri

gurgullimë u sjell

Pema i hoqi frutat

degët i lehtësoi

tryezën e shtëpisë

me pemë e mbushulloi

Dielli e ndezi kokën

zjarr e bëri në verë

i dha ngrohtësi detit

mbi lëkurë na djeg

Dhe vreshta e gjyshit

me rrush na mbëltoi

(m’u kujtua thosha)

unë po e mbjell

juve t’u gëzojë

Një hallkë zinxhiri

është jeta jonë

secili jep diçka

tjetri ta gëzojë

PSE?

Pse bora i druhet diellit

Sidomos marsit e prillit

Struket hijeve, sa mund fshihet

Pse lumi në korrik

Edhe shtratin e ka frikë

Struket përroskës pikë - pikë

E pse dhelpra e ka frikë

Hënën natën kur shndritë

Fshihet territ e merr ikë

Në një lumë të turbulluar

Nuk bën të hyhet për të provuar

Dhe kujdesin duhet shtuar

Ndryshe veten ke dënuar

NJË GUGAQ ATJE NË FUSHË

Një gugaq atje në fushë

Thuri këngë e vargje rrush

Ia lexuan e s’ia lexuan

Nganjëherë dhe e lavdëruan

Komplimente dhe i dhanë

E poet nganjëherë i thanë

Internetit e lavdëruan

Dhe poet e emëruan

Ikën motet, ikën vitet

Veç gugaqit s’iu pa libër

Veç poet mbeti në internet

S’botoi libër kurrë në jetë

Gugugu e gugugua

Dikur emri iu harrua

2023

KUR HARROJMË?

Nganjëherë edhe harrojmë

shohim një ngjarje a shikojmë

sa shumë shpejtë e kemi harruar

në memorie pa u regjistruar

Kemi parë e s’kemi dëgjuar

as me mendje të fiksuar

veç me sy e kemi parë

hapësirë nga mendje s’kemi ndarë

Ndaj ju shpesh kur diç shikoni

hapni veshët e dëgjoni

edhe mendjen aty fiksoni

që kurrë një ngjarje mos ta harroni

Për ju kam këtë porosi

nuk mjaftojnë vetëm sy

duhet parë e dëgjuar

atëherë s’kemi për ta harruar

LUTEN PËR DIELLIN

MOS TË PËRFUNDOJË

Loja e vogëlushëve të lagjes sime

Herët në mëngjes ajo fillon

Sa mirë të ndalej dielli mbi kodër

E dita kurrë mos të përfundojë

Aty buzë mbrëmjes tek luajnë lojën

Sa shumë për golat ata gëzojnë

Luten që dielli mos ta fsheh kokën

Që loja e tyre mos të mbarojë

Dhe kur dielli e fsheh kokën

Atje pas kodre përmbi Pashtrik

Me terr ikin e mbarojnë lojën

Thonë edhe pak të ishte dritë

POROSIA

Përmbi degën e një peme
ra një zog e u mbështet
i tha dega plot trishtim
s’të mbajë dot se thyhem shpejt

Jam e thatë e s’kam fuqi
s’e mbaj veten dot me zor
pastaj vjen këtu dhe ti
dega e zogu ranë në tokë

Një mësim na dha ndodhia
edhe neve të dashur fëmijë
mos u mbështetni në degë të liga
të mbajmë vath këtë porosi

2022

LAVDAQI

Bëri lavde e u krenua

ja ky Beni i klasës sonë

jam më i shkathëti s’ka me mua

shëtis botën për një orë

Nga këtu shkoi në Kinë

blej oriz e mall të lirë

pa avion e pa makinë

i sjell këtu e mbush shtëpinë

Nga këtu në Amerikë

shkoj shumë shpejt edhe kthej

as avioni super sonik

nuk më duhet për andej

Në Evropë shkoj sa herë dua

herë në këmbë, herë në makinë

blej shumë gjëra e çfarë dua

brenda orës shkoj e vij

Bëri lavde e u krenua

ja ky Beni i klasës sonë

krejt në fund u zbulua

me ç’makinë ai udhëton

*(Me mendje e shëtit botën)

KU TA SHPENZOJMË KOHËN?

Hopa - hopa luajmë topa

çfarë mësuam lojë kota

Me telefon luajtëm e shkruam

kush më thotë se çfarë mësuam

Humbëm kohën në lojë me borë

mërdhimë këmbë edhe dorë

Dhe tek lagjja humbëm shumë kohë

sa dhe gjyshja na qortoi

Kohën kot kur e harxhojmë

asgjë në jetë nuk mësojmë

Duhet mirë të mendojmë

kohën tonë ku ta shpenzojmë

Ku pos librit që na fton

na jep dije e na mëson

MËSIMI NGA PEMA

Tek oborri mbi një pemë

Mbushur degët plot me fruta

Në merak Goni kish ngelë

Përse pema s’i mban gjithë frutat

Sa shumë krimben e pikojnë

Disa të tjera mbeten në pemë

Pyet gjyshin si të veprojmë

Me qetësi përgjigje i kthen

Jo gjithmonë njësoj s’janë frutat

Disa të forta e disa të buta

E disa krimbi i dëmton

Pema vetë ato i largon

Sheh nën pemë përmbi tokë

Para kohe kokrra pikojnë

Eh, as pema s’i mban dot

Janë të krimbura s’i duron

Një mësim pema na e dha

Si të ecim shëndoshë në jetë

Njerëzit e ligj pranë mos i mba

Që të jesh gjithmonë i qetë

ANTENAT E KËRMILLIT

Kështu e tha Goni

një kërmill kur e pa

dy tentakleve të kërmillit

antenë u tha

Po kushedi ç’i duhet

kuriozitetin vazhdoi

përgjigjen tek gjyshi

Ai e kërkoi

Nuk jam biolog

tha gjyshi i tij

por do ta kërkojë

në enciklopedi

Në majë të tentakleve

janë shqisat e sytë

me to e sheh botën

dhe mua e ty

U gëzua Goni

dhe këtë e mësoi

pastaj në enciklopedi

fletë për fletë shfletoi

-------

* Tantakle: Dy shqisat e kërmillit.

* Enciklopedi: Vepër e madhe shkencore

që përfshin të gjitha fushat e jetës.

KUSH ËSHTË MË I DITURI?

Kush është më i ditur

pyet mësuesi në klasë

të gjithë u shtangën

e filluan përgjigjet më pas

Sundi tha daja im

ai është profesor

e njeh gjithë gjeografinë e botës

kush nuk ia kalon

Lisa tha tezja ime

ajo është mjeke më e mira

i shëron të gjitha sëmundjet

e i di të gjitha

Lona xhaxhi im

ai është inxhinier

projekton rrokaqiej

që ngjiten lart në qiell

Kush tha e ç’ nuk tha

lavdëruan që të gjithë

por asnjëri s’e qëlloi

të japë përgjigjen më të mirë

Mësuesi tha dëgjoni

dhe kurrë mos e harroni

libri është më i dituri

aty gjithçka do ta mësoni

NË QYTETIN E BLETËS

Një bletë punëtore

e ngriti një pallat

me punë të pandalshme

e shtoi dhe shumë kate

U shtua me vite

u rritën shumë shpejt

një nga një pallatet

ngriti një qytet

Vendosi shumë rregulla

dhe hierarki

udhëheqësen e saj

një mal me ushtri

S’ kish kush e sulmonte

askujt s’i frikohej

me ushtrinë e vetë

gjithmonë ajo mbrohej

Ariu i pyllit

sa herë kish provuar

nga ushtri e bletës

e kishte pësuar

Dhe dhelpra dinake

njëherë e provoi

për muaj të tërë

në shtrat përfundoi

Për ujkun e pyllit

shpeshherë kanë treguar

se si në spital

kishte përfunduar

Një hajn i lagjes së pyllit

kurrë nuk e provonte

ia kish frikën bletës

ushtrinë ia mallkonte

Por bleta punëtore

s’ndalej, veç punonte

punët e qytetit

vetë i menaxhonte

Thonë atë qytet

askush nuk provon

se bleta punëtore

vetë e menaxhon

me ushtrinë e vet

qytetin e mbron

MËSIMI

Nga një re e zezë plot shi

zbriti lumit e vërshoi

bëri dëme e kërdi

shtratin e lumit e shëmtoi

Ky mësim i resë së zezë

sado e vogël është ajo

me zemërim kur lëshon

bën shumë dëme e shkreton

Edhe fjalës i mban kujdes

mos e nxjerr kurrë me zemërim

vrulli i saj gjithmonë më shumë vret

prish gjithçka për asnjë çmim

BRUSHA, LAPSI, PENA

DHE LETRA

Herë një ngjyrë e herë një tjetër

mbi pëlhurë a përmbi letër

i bashkoi bjeshkë e fusha

për kokë timen lavdëroi brusha

Lapsi: nga një pikë apo një vijë

përmbi fletë a fletore

lidh shkronja bëj mrekulli

për kokë timen më shkon n’dore

Pena tha unë ku jam

ndoshta mua më harruat

me një majë si gjilpërë

të gjitha mendjet mbi fletë i shkruaj

Letra tha mua më harruat

fëshfëriti plot zemërim

mbi shtat timin të gjithë shkruani

edhe unë kam çmimin tim

E po të gjitha neve bashkë

bëjmë vepra e mrekulli

puna jonë është art

kronikojmë dije për njerëzinë

KUSH E MBRON HARDHINË?

Pyeti dega e një hardhie

përse ariut i jepni rrush

kur kap degët gjithçka shqyen

të më mbrojë nuk vjen askush

As pronarin s’e zë dot

t’ia them nja dy fjalë

t’i kërkoj të paktën kot

që ariun të ma ndalë

Kot ariun s’e frikëson

as me ankesa, as me batare

se atë ligji e mbron

s’guxon kush t’i thotë gjë fare

Dhe hardhia u zemërua

kokërr rrushi më nuk dha

trupit të saj të dëmtuar

degë më degë gjithçka u tha

P A S T H Ë N J E

Libri; "PËRSE SHARRI MBAN PLIS" nga autori

Gëzim Ajgeraj

Ç'janë këto karvane krushqish askund s'ju zë pritë

Magjishëm ndizen ëndërrat e semaforët e shpresave

Aromë e stinës motmoteve seç i bën llogarit

Në gjakun tënd le të mbillet besimi

Metereologët parashikojnë ditët me diell

Nën rrënoja të tempujve të faraonëve të rinj do të varrosen fatkeqësitë e njerësizë. P. Sejdia.

Njerëzit e veçantë vijnë në këtë botë me misione të paracaktuara.

Rriten me kohën, frymojnë me të dhe për të deri tek caku i fundit që labirintet e jetës i parakaluan si në drejtëz, dhe me fuqinë e mendimit, i dhanë dritë e forcë besimit për të përshkuar dinjitetshëm çdo hapësirë dhe për ta ndriçuar fundin e tunelit që i mungonte drita. Janë misionarët që universi ndrin nga mendjet e tyre, japin gjithçka nga vetja për pasurimin e botës me virtytet që sot pikërisht po i mungojnë. Misionarët, janë të parët në vetdijësimin e tyre që bota ka nevojë për ta më shumë se kurrë, e sidomos në epokën e djallit, ku zjarret ndizen mes vere, atëherë kur njerësisë aspak nuk i shërben.

Shpesh kemi folur për Mirënjohjen, si element i rëndësishëm në jetën e njeriut prandaj shërben si mjet për t'ia arritur qëllimit.

Kështu që edhe misionarët e përhapjes së dijes, ngacmimit emocional tek njerëzit ndikimin për formim dhe mësim të ruajtjes së asaj çfarë ne kishim dhe përvetësimin e dijeve inovatore, mbrojtjen dhe edukimin e artit të fjalës për t'u kthyer shembëlltyrë e shoqërisë moderne duke ruajtur mirë dhe tradicionalen, jo veçse janë të pakët, por, shoqëria duhet të jetë akoma më e vëmëndshme.

Misionari i dijes që vjen me këtë libër mjaft të veçantë, tenton fuqishëm të dalë nga kaosi ky rend i zhdërvjellët pasi arti i fjalës nuk mund të zhytet në monopolet e non- sensit.

Autori i këtij vëllimi poetik z. Gëzim Ajgeraj është autor tashmë me 210 libra nga gjithë zhanret e stilet, për të rritur e fëmijë dhe të rinjë. I rrallë shumë dimensional ndër trojet etnike shqiptare për nga cilësia dhe vlerat letrare, kjo pa ekuivok. Misionarë që përkushtimisht krijon për çdo brez e gjeneratë, larg krekosjes, por që njeh mirë realitetin dhe e sjell në varg e nga çdo kohë deri në ditët e sotme tek kërkon rezistencë ndaj anti- kulturalizmit apo shëmtisë që është e dukshme e madje e prekshme në kohën që po jetojmë. Autori ka jetuar mes shumë kohërave, prandaj lufton përparimin e rrejshëm apo iluzionet e pa'kuptimta. Poeti Gëzim Ajgeraj, vjen kësaj radhe me një vëllim poetik të mrekullueshëm dhe titullohet;

PËRSE SHARRI MBAN PLIS

Siç e thashë edhe më lart, misionarët lindin për të qënë të tillë, njëri ndër ata është autori i këtij vëllimi kaq brilant që e veçanta vjen që nga titulli që flet për shumë kohë dhe vjen pozitivisht për edukimin e brezave.

Në këtë vëllim poetik temat janë aq të larmishme e brilante ku përfshin një tërësi moshash e problematikash por bëhet dhe idol i brezave, pra fëmijë e të rinj.

Janë të dukshme shqetësimet e autorit dhe gjithçka është rreth atdheut a kombit e arshmërisë saj.

Unë sjell disa nga temat interesante që përmban vëllimi.

• ME LAPSIN E GJYSHIT

• Ç'ËSHTË BASHKIMI

• PËRSE SHARRI MBAN PLIS

• GJYSHI IM KA NJË ATDHE

• PO DIGJET DIELLI PO DIGJET

• KEQ PËRDORIMI I FJALËS

• QENI TË ZOTIN NUK E NJEH

• LUTEM PËR DIELLIN MOS TË PËRFUNDOJË

• KUSH E MBRON HARDHINË

• BRUSHA LAPSI PENA LETRA

• ANTENAT E KËRMILLIT etj.

Larmia, gjendet në çdo fjalë, varg, strofē a poezi.

/ Po digjet dielli, po digjet shkrumb

/ Dhe toka në fulteren e saj përvëlon

/ Një saç mbi kokë djegë e shkrumb

/ E vera diku nën një hije për pak freski na fton

• PO DIGJET DIELLI PO DIGJET

Autori thotë se dielli ndizet flakë, sikur saçi është vendosur mbi kokë dhe përmes vargjeve qan hallin tokës që digjet nga rrezet përvëluese të diellit që mëshirën thotë autori e gjen tek valët e detit që atje mund të fshihesh si guacka nën rërë.

Ama mes kushteve të të nxehtit kërkon pak freski. Dielli digjet shkrumb edhe mbi vajin e palmës ama, edhe mbi gjithësinë.

Autori e sjell si një këngë të intonuar këtë poezi, tejet hareshëm me natyrën dhe detin si shprehje dëshire për të ndjerë sado pak kënaqësi.

Në vëllim vijnë poezi me ndjenjën më të thellë të atdhe- dashurisë

/ Gjysh më thuaj ç'është bashkimi

/ Këtë fjalë shpesh ta dëgjoj

/ Për Kosovën e Shqipëtinë

/ Me miqt tuaj kur bisedon

Kureshtja e mbesës nuk shuhet kollaj, mosha ia kërkon të shtojë njohuritë dhe të pyesë se ç'është bashkimi dhe përse shërben.

Dhe gjyshi që shpjegon mbesën, duke ndërthurur strategjitë poetike përmes muzës mendimit, për ta krijuar vargun e lirë dhe përshtatje me moshën e saj dhe aftësia për të kuptuar ndodhitë përmes kohërave përmes imazheve, ngre çështjen e ndarjes si plagë që rënkoi kombi ndër dekada, por dhe shkaqet që akoma na mbajnë pezull si komb dhe tejet padrejtësisht.

Ndaj autori krijon me aq dashuri për moshat e reja si gjeneratat që duhet të pregatiten për të ardhmen e atdheut e kombit.

Në këtë poezi gjejmë shumë porosi dhe më themelorja është bashkimi pasi vargu thotë, në kor fëmijët kur këndojnë me një zë të bashkuar, zëri tyre sa larg shkon, ndryshe kur je i vetmuar.

A nuk është mjeshtri plot finesë e ndjenjë mënyra se si e shpjegon gjyshi mbesën për arsyet e të qënit të bashkuar.?!

Mjafton forma trasparente në përshtatje me moshën.

/ Me lapsin e gjyshit

/ Dua të shkruaj poezi

/ Të jap dritë e dije të tjerëve

/ Ashtu siç japin librat e tij

• ME LAPSIN E GJYSHIT

Aftësitë krijuese të autorit Gëzim Ajgeraj janë të veçanta, pasi përshtatet me çdo moshë dhe bën ata të dashurojnë lapsin e të thellojnë mendimin se si mund ta ndriçojnë botën.

Poeti e sjell ëmbël fjalën e vargun duke ndërgjegjësuar moralin e fëmijëve për të qënë të vetdijësuar se vetëm mësimi e dija janë elrmentet bazë që të nxjerrin nga çdo situatë.

Ndaj kjo poezi bëhet himn për fëmijët se si ata mund të demostrojnë dije e aftësi përmes vizionit që ata krijojnë ndaj krijohet emocion.

/ Pyetën Sharrin në qershor

/ Pse mban mbi kokë atë plis me borë

/ Në mos stinën ke harruar

/ Është verë shumë je vonuar

/ E mbaj borën plis mbi kokë

/ Nganjëherë stinët ngatërroi

/ S’mund ta pij njëherësh tok

/ Gurrat Vërrinit t’i mbushullojë.

• PËRSE SHARRI MBAN PLIS

Kjo poezi është dhe shtylla kryesore që mban titulli i librit, ndaj flet aq shumë në pak fjalë, pasi plisi është jo veçse pjesë e veshjes popullore, por simbol i gjysmë vezës kozmike që na kujton lidhjen e ngushtë tokë- qiell.

Autori thotë t’i mbushullojë edhe më vapën, e ruaj plisin mbi kokë që ndër gurra mos të ketë thatësi dhe se çdo ditë shkon në çdo shtëpi.

Lidhja tradicionale e shpirtit autorit dhe vendlindjes tij, atdheut a kombit është shumë e ndjerë dhe e fuqishme. Temat që trajton kanë delikatesë dhe finesë të jashtëzakonshme pasi dalta me të cilën autori gdhend fjalën është vetë mendimi i thelluar brenda atij sistemi të detajuar për ta përmbushur më së miri misionin e egzistencës njerëzore dhe motiveve të ndryshme në krejt mozaikun e përjetimeve përmes situatash a ngjyrash që përmbush ditët.

Poeti vjen përmes përjetimesh dhe e sjell akoma më ëmbël duke synuar të bashkojë skajet e botës fëmijëve që me kohën të arrihen natyrshëm lartësitë duke reflektuar mbi realitetin jetik dhe atë të atdheut.

Autori finalizon formën artistike brenda realitetit, shpalos preokupimet, duke depërtuar përmes ndjenjave të pastra tek moshat e reja dhe bën të dëgjohet zëri tyre, por të shfaqin dhe ëndërrat që ata kanë për jetën.

Vetëm një gjë e kam konstatuar qartë në fund të këtij vëllimi.

Autori i këtij vëllimi poetik z. Gëzim Ajgeraj është i pafuqishëm të qëndrojë pa shkruar e krijuar, pasi nuk rrin dot pa arritur nivelet më të larta estetike sepse synimet i ka të qarta për të jetuar dhe se pa poezinë moderne është vetë magjia që e tërheq, diversitet e gjitha, fuqi e larmi me një botë të gjërë dhe të pasur krijimi.

Pena e mendja e autorit mos shteroftë kurrë dhe veprat e tij të mrekullueshme jetofshin bashkë me kohërat.

Uroj udhë të mbarë librit e sa më lehtë e këndshëm për gjenerat e reja.

Suksese të reja autorit.

Prenda Sejdia

Lezhë më; 30.10.2023

---------------------------------------------------------------

Biografia

Gëzim Ajgeraj

U lind më 1967 në Malësinë e Vërrinit.

Shkollimin e mbaroi në vendlindje, kurse të mesmen e të lartën në Prizren. Studimet për elektronikë në Zvicër (1990-95). Është anëtar i Lidhjes së Shkrimtarëve të Kosovës, në Prishtinë.

Që nga 23 marsi 2002 është anëtar i Lidhjes së Shkrimtarëve të Zvicrës (SSV). Është anëtar i Shoqatës së Krijuesve Shqiptarë në Zvicër. Jeton dhe krijon në Zvicër.

Ka bashkëpunuar dhe bashkëpunon me të gjitha gazetat dhe revistat e kohës, si: “Rilindja”, Zvicër – Prishtinë; “Bujku” – Prishtinë; “Zëri i Kosovës”, Zvicër – Prishtinë; “Bota sot” – Zvicër; “Koha ditore” – Prishtinë; “Epoka e re” – Prishtinë; “Zëri”- Prishtinë; “Fakti” – Shkup; “Ars” – Tiranë; “Pena shqiptare” – Prishtinë; “Pionieri” – Prishtinë; “Zogu i mëngjesit” - Prishtinë, etj. Nga janari i vitit 2004, editon revistën “Metafora”. Së fundi, editon edhe revistën “Vërrini”..

Jeton dhe vepron në Zvicër mbi tre dekada e gjysmë.

VEPRAT LETRARE

I – POEZI

1. Poezi: ”Klithmë malli”, poezi, “Rilindja”, Prishtinë,1997;

2. Poezi: ”Ëndrra për parajsë”, poezi, “Rilindja”, Prishtinë, 1998;

3. Poezi: ”Qiellit po digjem”, poezi, “Rilindja”, Prishtinë, 1998;

4. Poezi: ”Flakë në plagë”, poezi, “Rilindja”, Prishtinë, 1998;

5. Poezi: “Mallëngjimi”, poezi, “Rilindja”, 2000;

6. Poezi: “Balada e Vërrinit”, (Poemë), KL. “F. S. Noli”, Prizren, 2001;

7. Poezi: “Degë e thyer”, poezi, “Metafora”, Prizren, 2007;

8. Poezi: “Etje në fjalë”, poezi, Prizren, 2013;

9. Poezi: “Kthimit furtunat m’i bëjnë prita”, poezi, Prizren, 2013;

10. Poezi: “Nxitoj të kthehem me dritë”, poezi, Prizren, 2013;

11. Poezi: “Kënga e zogut”, “Metafora”, Prizren, 2020;

12.. Poezi: “Diellnxënësit”, “Metafora”, Prizren, 2020;

13. Poezi: “Kronikë e udhëve”, “Metafora”, Prizren, 2020;

14. Poezi: “Në karantinën alpine”, “Metafora”, Prizren, 2020;

15. Poezi: “Nostalgji e mall”, “Metafora”, Prizren, 2020;

16. Poezi: “Dritëhijet e fjalës”, “Metafora”, Prizren, 2020;

17. Poezi: “Drithërimë mendimi”, “Metafora”, Prizren, 2020;

18. Poezi: “Eh, guri”, “7 Days”, Prizren, 2021;

19. Poezi: “Strehët pikojnë mall”, “7 Days”, Prizren, 2021;

20. Poezi: “Antisimbiozë”, “7 Days”, Prizren, 2021

21. Poezi: “Magma e shpirtit”, “7 Days”, Prizren, 2022;

22. Poezi: “Vegimet e heshtjes”, “7 Days”, Prizren, 2022;

23. Poezi: “Agmia e fjalës”, “7 Days”, Prizren, 2022;

24. Poezi: “Zemërimi i fjalës”, “Metafora”, 2019, Prizren;

25. Poezi: “Fjalë e mall”, “Metafora”, Prizren, 2016;

26. Poezi: “Notesi i poetit mërgimtar”, “Metafora”, Prizren, 2016

27. Poezi: “Gjemba në fjalë”, poezi për fëmijë e të rinj, botoi “Metafora”, Prizren, 2016;

28. Poezi: “Larg pikon malli”, poezi, botoi “Metafora”, Prizren, 2015;

29. Poezi: “Mbi rima bie shi”, poezi, botoi “Metafora”, Prizren, 2015;

30. Poezi: “Buzëqeshja e vrarë“, 7 Days”, Prizren, 2021

31. Poezi: "Art metafora", poezi 460 faqe, “Metafora”, Prizren, 2014;

32. Poezi: "Çaste alpike", poezi, “Metafora”, Prizren, 2014;

33. Poezi: "Duhemi sikur...", lirika dashurie, “Metafora”, Prizren, 2014;

34. Poezi: “Regëtim në horizont“, 7 Days”, Prizren, 2018

35. Poezi: “Nostalgjia“, 7 Days”, Prizren, 2020

36. Poezi: “Stinët e udhëve të mia“, 7 Days”, Prizren, 2021

37. Poezi: “Reliktet e hpirtit “, 7 Days”, Prizren, 2021

38. Poezi: “Regëtim në horizont“, 7 Days”, Prizren, 2021

39. Poezi: “Mendim i gurtë“, 7 Days”, Prizren, 2021

40. Poezi: “Dhembje malli”, Poezi të zgjedhura nga Bedri Halimi, SHKYP, 2022.

II – Romane

1. Roman: “Misioni i kriminelit”, roman, Prizren, 2009;

2. Roman: “Serboarmatosja”, roman, Prizren, 2012;

3. Roman: "Studentët", roman, “Metafora”, Prizren, 2014

4. Roman: “Rrëfimet e doktorit”, botoi, SKYP, Prizren, 2019

5. Romani: “Giti”, “Metafora”, Prizren, 2017;

6. Roman: “Ditari i ushtarit të lirisë”, SHKYP, Prizren, 2016;

7. Roman: “Copëzat e idealizmit”, “Metafora”, Prizren, 2016;

8. Roman: “Trëndafilat e pranverave të kuqe”, botoi “Metafora”, 2016;

9. Roman: “Rob”, roman, botoi “Metafora”, Prizren, 2016;

10. Roman: “Helmimi”, roman, “Metafora”, Prizren, 2014;

III - Tregime

1. Tregime: “Stinët e udhëve të mia”, “Metafora”, Prizren, 2018;

2. Tregime: “Parullat”, “Metafora”, Prizren, 2017;

IV – Dramë

1. Dramë: “Rruga e lirisë”, dramë, “Meshari”, Prishtinë, 2001;

2. Dramë: “Plaga e lirisë”, “Metafora”, Prizren, 2017;

3. Dramë: “Dhembjet e epokës së kuqe”, “Metafora”, Prizren, 2017;

V - NOVELA

1. Novela: "Shtigjet e bardha", novelë letrare, (Ribotim), “Metafora”, Prizren, 2014

VI – Baladë

1. Baladë: “Lulëkuqet e Vërrinit”, Edicioni “Metafora”, poezi, Zvicër 2005

VII – ETNOS KULTUROR

1. Urti popullore: “Urti popullore të Vërrinit 1”, (bashkautorësi), “Apolonia” 1997, Prishtinë;

2. Etnos: “Tregime e anekdota nga odat e Vërrinit-2, “Metafora”, 2019, Prizren;

3. Etnos: “Tregime e anekdota nga odat e Vërrinit-3, “Metafora”, 2019, Prizren;

4. Etnos: “Tregime e anekdota nga odat e Vërrinit- 4”, “Metafora”, 2019, Prizren;

5. Etnos: “Tregime e anekdota nga odat e Vërrinit-5, “Metafora”, 2019, Prizren;

6. Etnos: “Tregime e anekdota nga odat e Vërrinit-6, “Metafora”, 2020, Prizren;

7. Etnos: “Tregime e anekdota nga odat e Vërrinit-7”, “Metafora”, 2020, Prizren;

8. Etnos: “Tregime e anekdota nga odat e Vërrinit-8”, “Metafora”, 2021, Prizren;

9. Etnos: “Tregime e anekdota nga odat e Vërrinit-9”, “Metafora”, 2021, Prizren;

10. Etnos: “Tregime e anekdota nga odat e Vërrinit-10”, “Metafora”, 2021, Prizren;

11. Etnos: “Tregime e anekdota nga odat e Vërrinit-11”, “Metafora”, 2020, Prizren;

12. Etnos: “Tregime e anekdota nga odat e Vërrinit-12”, “Metafora”, 2020, Prizren;

13. Etnos: “Tregime e anekdota nga odat e Vërrinit-13”, “Metafora”, 2020, Prizren;

14. Etnos: Katundi e bon luftën, shehri e ngre bajrakin, Metafora, 2007

15. Etnos kulturor: “Festat dhe ahengjet në këngët e vajzave të Vërrinit”, (Etnos kulturor), “Metafora”, Prizren, 2017;

16. Etnos kulturor: “Unë po e thej qafën, po shkoj n`darsëm”, tregime popullore vërrinase, “Metafora”, Prizren, 2017

VIII – Monografi

1. Monografi: “Rruga e lirisë” -intervistë me Zafir Berishën, botoi

Asociacioni i Veteranëve të ish- UÇK-së – Prizren, 2002;

2. Monografi: “Masakra e Tuzsuzit”, Monografi, (bashkautorësi

me Ilam Berishën), “Metafora”, Prizren, 2007;

3. Monografi: “Xhevat Berisha – Legjenda e Vërrinit”, monografi, Prizren, 2013;

4. Monografi: “Publicistika në luftë e në paqe dhe arti poetik i Qazim Thaçit”, (Monografi përmes shkrimeve autoriale), SHKYP, Prizren, 2016/17;

5. Monografi: “Periodiku i kohës për luftën në Vërri e Prizren – 1”, publicistikë, botoi “Metafora”, Prizren, 2014;

6. Monografi: “Për të gjallë kullat nuk i lëshojmë – Sadedin Hasani – Militanti i UÇK-së”, monografi, “7 Days”, Prizren, 2021.

7. Monografi: “Malësia e Vërrinit”, monografi, “7 Days”, Prizren, 2022.

IX – Poezi për fëmijë

1. Poezi: ”Kënga e babait”, poezi për fëmijë, “Apolonia”, Prishtinë, 1998

2. Poezi: “Zana në mërgim” (poezi për fëmijë), “Metafora”, Prizren, 2007;

3. Poezi: “Huqet e Benit”, (poezi për fëmijë), “Metafora”, Zvicër, 2007;

4. Poezi: “Dallëndyshja në Vërri” (poezi për fëmijë), “Metafora”, Prizren, 2007;

5. Poezi: “Kroi i qytetit tim”, (poezi për fëmijë), ”Metafora”, Prizren, 2007

6. Poezi: “Bashkimi bën fuqinë”, (poezi për fëmijë), Edicioni i revistës “Fidani”, Prizren, 2013;

7. Poezi për fëmijë e të rinj: “Bufi i pemës sonë”, “7 Days”, Prizren, 2022;

8. Poezi për fëmijë e të rinj: “Strofulli i dallëndyshes”, “7 Days”, Prizren, 2022;

9. Poezi për fëmijë e të rinj: “Krekosja e dordolecit”, “7 Days”, Prizren, 2022;

10. Poezi për fëmijë e të rinj: “Gjemba në vargje”, “7 Days”, Prizren, 2021;

11. Poezi për fëmijë: “Hajni ketër”, “Metafora”, 2018, Prizren;

12. Poezi: “Gjuha e Lonës”, poezi për fëmijë, botoi “Metafora”, Prizren, 2017;

13. Poezi: “Kukulla Elonë”, poezi për fëmijë, botoi “Metafora”, Prizren, 2015;

14. Poezi: “Teatri Lona”, poezi për fëmijë, botoi “Metafora”, Prizren, 2016;

15. Poezi: “Libri është porta e botës”, poezi për fëmijë e të rinj, botoi “Metafora”, Prizren, 2016;

16. Poezi: "Piktura në mur", poezi për fëmijë e të rinj, “Metafora”, Prizren, 2014;

17. Poezi: “Piktura në mur“, 7 Days”, Prizren, 2018

18. Poezi: “Në kopshtin e gjyshit“, 7 Days”, Prizren, 2020

19. Poezi: “Lona shkon në shkollë”, 7 Days”, Prizren, 2022

20. Poezi: Kush e solli lirinë, 7 Days”, Prizren, 2023

X – Romane për fëmijë

1. Roman për fëmijë: “Pëllumbat e lirisë”, novelë për fëmijë,

Edicioni i revistës “Fidani”, Prizren, 2004;

2. Roman për fëmijë: “Ditët e bardha”, novelë për fëmijë,

Edicioni i revistës “Fidani”, Prizren 2004

XI - Fabula

1. Fabula: “Bosi lepurushi”, fabula, ”Metafora”, Zvicër, 2006;

2. Poezi për fëmijë: “Kot inat ia kemi fabulës”, “Metafora”, Prizren 2018;

3. Poezi për fëmijë: “Sot as ditën nuk të njohin”, “Metafora”, Prizren 2017;

4. Poezi për fëmijë: “Bosi lepurushi”, “Metafora”, Prizren 2014 .

XII – Gjëegjëza

1. Gjëegjëzë: “Gjëegjëza”, Metafora, Zvicër, 2006.

XIII – Poema për fëmijë

1. Poemë: “Dita me Tonin” (poemë), ”Metafora”, Zvicër, 2006;

2. Poemë: “Muajt e vitit me Ardin” (Poemë), ”Metafora”, Zvicër, 2006;

XIV - Tregime për fëmijë

1. Tregime për fëmijë: “Tregimet e gjyshit”, “7 Days”, Prizren, 2021;

2. Tregime për fëmijë: “Në botën e hileve”, “7 Days”, Prizren, 2021;

3. Tregime për fëmijë: “Qershia e stërgjyshit”, “7 Days”, Prizren, 2021;

4. Tregime për fëmijë: “Lona shkon në shkollë”, “7 Days”, Prizren, 2022;

5. Tregime për fëmijë: “Trenat dhe toni”, “Metafora”, Prizren, 2017;

6. Tregime për fëmijë: “Buka e gjyshes”, “Metafora”, Prizren, 2017.

XV - PËRRALLA PËR FËMIJË

1. Përralla: “Gjashtë picimulët në olimpiadë”, përralla për fëmijë, botoi “Metafora”, Prizren, 2016;

2. Përralla: “Kësulëkuqja Koni kërkon një shtëpizë” (Përralla për fëmijë), botoi “Metafora”, Prizren, 2016;

3. Përralla: “Në ditëlindjen e arushit” (Përralla për fëmijë të vegjël), botoi “7DAYS”, Prizren, 2023;

XVI – Studime letrare

1. Studime: "Arti poetik i Ibrahim Skënderit nën optikën e rivlerësimit",

kritikë letrare, “Metafora”, Prizren, 2014;

2. Studime: "Të jesh shkrimtar...!1", ese letrare, “Metafora”, Prizren, 2014;

3. Studime: "Ah, ky art i shkrimit... 2", ese letrare, “Metafora”, Prizren, 2014;

4. Studime: "Arti e metafora 3", ese letrare, “Metafora”, Prizren, 2014

5. Studime: „Metafora e lirisë“ - Vështrim rreth krijimtarisë së Bedri Halimit

Shoqata Kulturore “Ymer Prizreni”, 2014;

6. Studime letrare: “Metafora e poezisë”, “7 Days”, Prizren 2021.

XVII – KRITIKË LETRARE

1. Kritikë letrare: “Poetët për poetin”, “Metafora”, Prizren, 2018;

2. Studime: “Metafora e fjalës”- Studime letrare, botoi “Metafora”, Prizren, 2015;

XVIII – ANTOLOGJI

1. Antologji: Cikël me poezi, “Atdheu në trastë”, botoi

revista letrare "Jeta e re" nr. 4, korrik-gusht 2002, viti LIV, Prishtinë;

2. Antologji: Cikël me poezi, “Atdheu i copëtuar”, në librin “Pikoi molla gjak” (Lirikë me motive arvanitase), botoi MKRSÇJR-Departamenti i Çështjeve Jorezidente,

Prishtinë, 2004;

3. Antologji: Cikël me poezi, “Udhë e zjarrmi”, në librin “Muzat i bien lyrës”,

Edicioni i revistës “Fidani”, Prizren, 2005;

4. Antologji: “Momente” (Grup autorësh nga Letërsia botërore në gjermanisht); (Augenblicke), Zvicër, 2007;

5. Antologji: Grup autorësh, “Shkreptimë në horizont”, (Krijime artistike kushtuar 100 vjetorit të pavarësisë), botoi Biblioteka Ndërkomunale e Prizrenit, dhjetor, 2012, Prizren;

6. Antologji: Grup autorësh, “Një shekull dritë”, botoi "Lidhja e Shkrimtarëve, Artistëve dhe Krijuesve Shqiptarë në Gjermani", nëntor, 2012, për nder të 100 - vjetorit të Pavarësisë së Shqipërisë, Tiranë, 2012;

7. Antologji: Grup autorësh, “Çamëri zemra ime”, përgatitur nga Fatime Kulli / Kolec Traboini, Pantheon Books, 220 faqe, Tiranë-Prishtinë, 2014;

8. Antologji: Grup autorësh, “Lulëkuqet e lirisë” – “Çdo shesh një përmendore”,

Dibran Fylli, SHB.“Meshari“, Prishtinë, 2015;

9. Antologji poetike: “Zemra prindërore”, Shoqata e Shkrimtarëve Shqiptaro-Amerikanë: Agim Bacelli, Këze (Kozeta) Zylo dhe Kostaq Duka, Amerikë, 2011;

10. Antologji: Grup autorësh, botoi Biblioteka Ndërkomunale e Prizrenit, dhjetor, 2015, Prizren;

11. Antologji; Grup autorësh, “Ëndrra, shpresa dhe iluzione”, Luan Maloku,

Amanda Edit Verlag, Bukuresht, Rumani, janar 2016;

12. Antologji, Selatin Novosela: “Demaçi aromë atdheu”, Shoqata e të Burgosurve Politik e Kosovës, Prishtinë, 2015;

13. Leksikon: “Leksikoni i autorëve shqiptarë në Zvicër”, Besnik Camaj dhe Shefqet Dibrani, botoi: “Faik Konica”, Prishtinë, 2016;

14. Antologji: “Revista albanezul – Shqiptari”, Nr. 137/2007,tema: Fati i botës varet nga Zoti dhe Kosova”, Bukuresht, kryeredaktor: Baki Ymeri, themelues

Fondi Nikolla Naço 1888, Bukuresht;

15. Antologji: “Antologji e poezisë moderne shqipe”, përgatitur nga Adem Zaplluzha, 2016, Kosovë;

16. Antologji: “Alepo”, Antologji e poezisë shqipe, Përgatiti Tyran Spahiu, Prizren, 2016;

17. Antologji: “Shkrimtarët për Havzi Nelën”- Shpirti i lirë i Lumës, përgatiti Rexhep Shahu, botoi Klubi i poezisë, Tiranë, 2018.

18. Antologji:”Pranvera poetike në Vërri”, Metafora, Prizren, 2015;

19. Antologji: “Një kafe me miqtë e metaforës”, “Metafora”, Prizren, 2014;

20. Antologji: “Në rrjedhën e Drinit”, “Metafora”, Prizren, 2014;

21. Monografi nga Çerkin Bytyçi: Prim. Dr. Daut Mustafa: poezi nga Gëzim Ajgeraj: Mantelbardhi zemërbardhë (Dr. Daut Mustafa mjek dhe humanist), fq. 123, viti i botimit 2001;

22. Antologji në gjuhën Suedeze, « Cikël me poezi », Suedi, 2022

23. Monografi: Një krismë pushke për liri (Poezi nga autor të ndryshëm për dëeshmorin Selim Berisha), Milazim F. Kadriu, Prishtinë;

24. 20. Antologji: “Ku sofra e kuvendit rri shtruar”, Bibloteka ndërkomunale e Prizrenit (grup autorësh) Prizren, 2013;

25. Demir Behluli, “Portrete shkrimtarësh”, Prishtinë, 2002;

26. Jeta e re / Revistë letrare Nr: 4, viti LIV, “Cikël me poezi”, Prishtinë, 2002;

XIX – REVISTA

1. ( 23 Numra).

Revistat: “Metafora”, Nr. 1, (2004), deri Nr. 23 - (2023).

2. ( 5 Numra)

Revista: “Vërrini”- 1, viti 2014;

Revista: “Vërrini”- 2, viti 2015;

Revista: “Vërrini”- 3, viti 2016;

Revista: “Vërrini”- 4, viti 2017;

Revista: “Vërrini”- 5, viti 2017.

3. Penda e artë: Bashkë/editor me poeten Prenda Sejsia; Editore për Shqipëri.

1. Penda e artë 1, dhjetor 2022

2. Penda e artë 2, janar 2023

3. Penda e artë 3, shkurt 2023

4. Penda e artë 3, shkurt 2023

4. Revista; ROZAFA, / Shkodër, Edicion i Klubit të shkrimtarëve, poetëve dhe artistëve të Veriut të Shqipërisë, me seli në Shkodër.

(Ideator, bashkopuntor, pregaditjen, dizajnin e deri në publikimin e revistës). / Anëtar nderi i klubit dhe revistës.

1. Rozafa 1, Shkodër 2023.

XX - Vlerësime kritike për veprën e Gëzim Ajgerajt;

1. Kritikë letrare nga Ilam Berisha, “Gëzim Ajgeraj – poet i mallit dhe i krenarisë kombëtare” -“Metafora”, Prizren, 2012;

2. Kritikë letrare nga Ilam Berisha, “Gëzim Ajgeraj - një zë origjinal i vlerave të artit letrar” “Metafora”, Prizren, 2012.

5 - Libra studimor nga Prenda Sejdia:

1. - POEZIA E AJGERAJT NË DIOPTRINË E ANALIZËS DHE TË KRITIKËS LETRARE - Studime letrare

2. - DIVERSITETI I PENËS SË AJGERAJT NËN DIOPTRINË E ANALIZËS DHE TË KRITIKËS LETRARE - Studime letrare

3. - METAFORA E MALLIT (Përzgjedhje poetike nga poezia e Ajgerajt)

4. - POETI I METAFORAVE – Studime letrare

5. - ROMANI I AJGERAJT NËN OPTIKËN E ANALIZËS DHE TË KRITIKËS LETRARE - Studime letrare

6. PENA E AJGERAJ NË LETERSINË PËR FËMIJË (Studim Letrarë), , “7 Days”, Prizren, 2023.

XXI – ENCIKLOPEDI

1. Si krijues e studiues u përfshi në: Fjalorin Enciklopedik të Kosovës, Akademia e Shkencave dhe Arteve të Kosovës, 2018; Leksikon Enciklopedik i Akademisë Shqiptare.

XXII - PARAPSIKOLOGJI

1. Psikologji: “Ndërgjegjësimi i individit - vlerë e së ardhmes”, “Metafora”, Prizren, 2017;

2. Psikologji: “Pikëpamje për jetën dhe përvojat”, botoi “Metafora”, 2019, Prizren;

3, Parapsikologji: Refleksione dhe uni personal, “7 Days”, Prizren, 2022.

XXIII - BASHKAUTORËSI NË GJUHË TË HUAJA

1. Poezi: “Në krahët e dritës” (Botim në bashkautorësi me Mariana Grigore), Rumanisht – shqip, Amanda Edi Verlag, (përkthyer nga Baki Ymeri), Bukuresht, 2021.

XXIV – PËRZGJEDHJE ME POEZI PËR TË TJERËT

1. Poezi: “Malësisë i këndoi në vargje”, poezi nga poeti Ilmi Kurti (Mjeshtër i madh),

Malësi e madhe, Shqipëri. Botoi: 7DAYS, Prizren, 2023.

XXV – LEKSIKON

1, LEKSIKON: Leksikon i autorëve shqiptarë në Zvicër, nga autorët: Besnik Camaj e Shefqet Dibrani

XXVI - ÇMIMET

1 - Çmimin: Shkrimtari më mirë i vitit 2014, nga Drejtoria e Kulturës, e Rinisë dhe e Sportit, komuna e Prizrenit, 2014.

2. Çmimi i 1-rë : “Abdullah Thaçi”, Bibloteka Mdërkomunale Prizren, 2020

Mittwoch, 29. November 2023

Keine Kommentare:

Kommentar veröffentlichen